Kort sagt ein liten, friviljug FM- eller AM-radiosendar for eit småsamfunn. Me kan kalle det ei bygdaradio, grendaradio, tettstadradio, småbyradio eller kommuneradio. Miniradioar er mindre radiostasjonar, og er på hakket under sokalla lokalradioar. Dei blir drivne på dugnad eller med minimal kommersiell påverknad, og dei er laga for å binda saman lokalsamfunnet du bur i.
Problemet i dag er at Medietilsynet og Post- og teletilsynet ikkje har ordningar som er spesielt tilpassa slike småradioar. So då må me påverka litt.

Koss lagar du ein radiostasjon, då?
# Bli med her, so lagar me litt felles blest om miniradioar.
# Samle ei gruppe som kan arbeide med radioen på dugnad, i lang tid.
# Få tak i rette konsesjonar. Du må søkje hjå båe tilsyni, sjå over.
# Få tak i pengar.
# Kjøp og set opp sendeutstyr og eit lite studio. Det skal ikkje so mykje til.
# På lufti!

Kva med nettradio, seier du? Er ikkje det mykje enklare? Det er det kanskje, men det er likevel ikkje ordentleg radio. Når no FM-bandet er på veg ut, og heile Noreg har FM-mottakarar, burde vegen liggje open for dei som vil drive ein liten, triveleg og samlande radiostasjon.

Me gjer det for heimstaden vår.